16
қазан
2023
«Тістердің құрылысы мен қызметі, олардың гигиенасы» тақырыбындағы ашық сабақ
АШЫҚ САБАҚТАР
16.10.2023ж. күні ғылыми-жаратылыстану әдістемелік бірлестігінің «Табиғат пен адамның тілдескені, өмірдің үндескені» тақырыбындағы онкүндігі аясында биология пәні мұғалімі Таттимбетова Еңлік Ерболқызы 8«А» сыныбына «Тістердің құрылысы мен қызметі, олардың гигиенасы» тақырыбында ашық сабақ өткізді.
Сабақтың оқу мақсаты: тістердің құрылысы , әр түрлі типтері мен қызметтері арасындағы байланысты және тісті күту ережелерін сипаттау.
Сабақ барысының ұйымдастыру кезеңінде мұғалім ынтымақтастық атмосферасын ұйымдастыра отырып, оқушылардың назарын сабаққа аудару көзделді. Оқушыларды топқа бөлді. «To kill f fly» әдісі арқылы оқушылар өткен тақырыпты еске түсірді. «Миға шабуыл» әдісі арқылы оқушылардың назарын сабаққа аударып,жаңа сабақтың тақырыбы мен мақсаты анықталды. Атауларға үш тілде түсінік берілді. Оқушыларға жаңа тақырыптың мазмұны бойынша бейнематериал көрсетілді.
1-тапсырма:
"Эмаль" тобы Тістердің құрылысы, қызметі.
"Дентин" тобы Адам тістерінің типтері.
"Пульпа" тобы Тіс гигиенасы,тіс ауруы.
Оқушылар тістердің сыртқы және ішкі бөліктері мен қабаттарын анықтап, тіс қаптамасы мойыны мен түбірінің қызметін сипаттады. Тіс типтері мен олардың рөлі арасындағы байланысты анықтап, тісті күту ережелерін сипаттады, тістің зақымдану себептерін анықтады. Әр оқушыға бағалау парағы берілді,оқушылар өзін өзі бағалады.
2-тапсырма. Тәжірибе. Жеке жұмыс жүргізілді. Тәжірибеге алма қолданылды. Тістің типіне байланысты қызметін және тістің санын жазу тапсырмасы берілді. Әр оқушыға өзін бағалау парағы берілген бағалау парағына өз балдарын қойып отырды. Оқушыларға сабақ тақырыбына байланысты қызықты мәліметтер айтылды. Interesting facts:Unlike humans , sharks have 40 sets of teeth .Giraffe has only lower teeth, and the largest mammal blue whale has no teeth. Кері байланыс. Оқушылар сабақ соңында сабақты қандай деңгейде түсінгенін стикерге жазып жетістік баспалдағына жапсырды.
