Қазақ-Ресей медицина университетінің өкілдері 11-сынып оқушыларына кәсіби бағыт-бағдар беру жұмысын жүргізді

Мектеп-гимназиямызға Қазақ-Ресей медицина университетінің өкілдері келіп, 11-сынып оқушыларына кәсіби бағыт-бағдар берді. Іс-шара барысында университет жайлы толық мағлұмат беріліп, медицина саласының мамандықтары таныстырылды.

Мамандар дәрігер, фармацевт, стоматолог сияқты кәсіби бағыттар туралы айтып, олардың маңыздылығын түсіндірді. Сонымен қатар, оқушыларға қабылдау талаптары, оқу процесінің ерекшеліктері және университеттегі мүмкіндіктер жайлы кеңінен ақпарат ұсынылды.

Бұл кездесу 11-сынып оқушыларына мамандық таңдауға көмектесіп, болашақтағы жолдарын айқындауға бағыт берді. Оқушылар қызықты сұрақтар қойып, пайдалы жауаптар алды.