«Кәмелет жасқа толмағандар арасындағы құқықбұзушылық»

«Кәмелет жасқа толмағандар арасындағы құқық бұзушылық» тақырыбында мектеп инспекторымен, мектеп медбикесімен және мектеп психологымен кездесу
Мектебіміздің мәжіліс залында «Кәмелет жасқа толмағандар арасындағы құқық бұзушылық» тақырыбында мектеп инспекторымен, мектеп медбикесімен және мектеп психологымен кездесу өткізілді.
Директордың тәрбие ісі жөніндегі орынбасарлары Агадилова Ұлжалғас Берікқалиқызы, Хасанова Айгүл Сердалықызы іс-шараны ашып, оқушыларды тәртіпке шақырды. Жалпы бүгінгі қоғамда болып жатқан келеңсіз жағдайлардан сақтану, суидцидті алдын алу бойынша лекция оқыды. Мектеп инспекторы Нұрбек Айза ханым оқушыларға «Өзіңді жыныстық зорлық-зомбылықтан қалай қорғауға болады» атты жадынама таратты. «Жыныстық зорлық-зомбылықтың алдын алу» тақырыбында бейнефильм көрсетілді.
Мектеп психологы Балтабаева Айдана Сапарбайқызы, мектеп медбикесі Елубаева Гүлмира Абдрахмановна оқушыларға электронды темекінің адам денсаулығына зияны туралы лекция оқып, «Салауатты өмір салтын сақта!» жадынамасын таратты.