Оқушыларымыз «Білім және Мансап» халықаралық көрмесіне қатысты

19.11.2025ж. күні Алматы қаласындағы «Атакент» көрме орталығында «Білім және Мансап» атты халықаралық көрмеге оқушыларымыз қатысты. Бұл көрмеге Қазақстанның және шетелдің жетекші жоғары оқу орындары, колледждері, білім беру орталықтары мен тіл мектептері қатысты. Шара барысында қатысушылар жоғары білім, магистратура, шетелде оқу, гранттар мен стипендиялық бағдарламалар жөнінде толық ақпарат алды. Сонымен қатар, мастер-класстар, таныстырылымдар және кәсіби бағдар беру семинарлары ұйымдастырылды. Осы іс-шараға мектебімізден де оқушылар барып қатысып келді.