Еліміздің мақтанышы Ардақ Құттықожаұлы Назаровпен кездесу кеші өткізілді.

Алатау ауданы №182 жалпы білім беретін мектепте қыркүйек айының 23-і күні "Қазақ тілі - мемлекеттің тұғырлы тірегі" тақырыбында қазақ тілі және қазақ әдебиеті бірлестігінің ұйымдастыруымен аралас жекпе-жектен әлемнің 3 дүркін чемпионы, еліміздің мақтанышы Ардақ Құттықожаұлы Назаровпен кездесу кеші өткізілді. Мақсаты «Жастар» жылы қарсаңында Мемлекеттік тіліміздің мәртебесін көтеру, жастардың бойында Отанға деген ізгі сезімдерді қалыптастыру. Ардақ Құттықожаұлы адам жанын тебірентер әсерлі әңгімесімен оқушыларды баурап алды. Кештің көрігін әнші-биші ұландарымыз Ә.Қалдыбай, Д.Дарханқызы, "Айнаш" би тобы, "Жауқазын" хор тобы қыздырды. Еліміздің өресі биік, рухты азаматтарын тәрбиелеуде қосқан үлесі үшін Ардақ Бақтықожаұлына мектеп әкімшілігі мен ата-аналар атынан айтар алғысымыз шексіз.